İRNA-nın siyasi müxbirinin verdiyi məlumata görə, Hüseyn Əmir Abdullahiyan cümə axşamı İranın BRİKS qrupuna rəsmi üzvlüyünü elan etdikdən sonra yazıb: “Biz Cənab Doktor Rəisi ilə birlikdə BRİKS Plus sammitində iştirak etmək üçün CAR-a səfər etdik. İranın BRİKS qrupuna üzvlüyü böyük bir uğur oldu. Bu üzvlük çoxtərəfliliyi gücləndirməklə yanaşı, hədəflərə çatmaq və dinamik diplomatiyanın həyata keçirilməsində hökumətin digər makrostrategiyalarını inkişaf etdirmək üçün əsas yarada bilər.
Xarici İşlər naziri bu barədə İnstaqramda da yazıb: ABŞ-ın Birgə Hərtərəfli Fəaliyyət Planından (JCPOA) qeyri-qanuni çıxması, Ukraynadakı müharibə və digər son beynəlxalq hadisələr açıq şəkildə göstərdi ki, keçmişin sırf təhlükəsizlik və ya iqtisadiyyat üzrə əməkdaşlıq əsasında formalaşan ənənəvi beynəlxalq koalisiyalarının fəaliyyəti problemlə qarşılaşıb. Ona görə də, ölkələrin milli maraqlarını başqalarının aqibəti və taleyi ilə, konkret beynəlxalq strukturla əlaqələndirmək strateji səhvdir.
Əmir Abdullahiyan deyib: Müxtəlif beynəlxalq mexanizmlərlə əməkdaşlığın çoxluğu ölkələr üçün maksimum fayda ilə yanaşı, uyğun seçim ola bilər. Bu səbəbdən BRİKS qrupunun bəzi üzvləri Qərblə yaxşı münasibətlərə malik olsalar da, bu strukturda aktiv rol oynamağa davam edirlər.
O deyib: BRİKS qrupu çoxşaxəli struktur kimi dünya arenasında müstəqil və effektiv rol oynamaq arzusundadır və bu səbəbdən də digər ölkələrlə yanaşı çoxtərəfliliyi davam etdirmək üçün Şanxay, Avrasiya, Asiyada Qarşılıqlı Fəaliyyət və Etimad Tədbirləri üzrə Müşavirə (AQEM), ASEAN kimi mühüm ittifaqlar və strukturlarla yanaşı ölkəmizin xarici siyasət və beynəlxalq münasibətlər sahəsində arzuolunan məqsədlərindən biri ola bilər.
Sonda Əmir Abdullahiyan yazıb: Bu kontekstdə 13-cü hökumət ilk dəfə aylar əvvəl İranın BRİKS qrupuna üzvlüyü ilə bağlı rəsmi müraciət təqdim etdi. Bu gün İran İslam Respublikası iki qonşu ölkə olan Səudiyyə Ərəbistanı və Birləşmiş Ərəb Əmirlikləri, habelə Argentina, Misir və Efiopiya ilə birgə BRİKS-in tamhüquqlu üzvü qəbul edildi.
O, İslam İnqilabının Ali Məqamlı Rəhbərini və qürurlu İran xalqını 13-cü hökumətin beynəlxalq təşkilatlara üzv olmaqda əldə etdiyi bu böyük uğur və nailiyyəti münasibətilə təbrik edib.