İRNA-nın cümə günü verdiyi xəbərə görə, Məhəmməd Muddəssir Teypu X (keçmiş Twitter) sosial şəbəkəsindəki rəsmi istifadəçi hesabında yazıb: “Raskda polis qərargahına edilən və 11 İran qüvvəsinin şəhid olması ilə nəticələnən terror aktını şiddətlə pisləyirik.”
“Pakistan İran İslam Respublikası hökuməti və xalqı ilə tam həmrəy olduğunu bəyan edir”- deyə, səfir bildirib.
Cümə günü, dekabrın 15-də səhər saatlarında “Ceyş əl-Zulm” terror qruplaşmasının Sistan və Bəlucistan əyalətindəki Rask polis qərargahına hücumu nəticəsində 11 polis şəhid olub. Bu hadisədə bir neçə terrorçu məhv edilib və bir terrorçu həbs edilib.
Ceyş əl-Zulm terror qruplaşması bəyanat yayaraq, Raskdakı polis qərargahına edilən terror aktına görə məsuliyyəti öz üzərinə götürüb.