İranın Xarici İşlər nazirinin siyasi məsələlər üzrə müavini Əli Baqiri və Səudiyyə Ərəbistanı Xarici İşlər nazirinin müavini Əl-Xureyci 16 dekabr cümə günü axşam saatlarında Pekində İran, Səudiyyə Ərəbistanı və Çinin birgə komitəsinin ilk iclası çərçivəsində görüşüblər.

Bu görüşdə tərəflər ikitərəfli əlaqələri və ötən 9 ay ərzində əməkdaşlığın gedişatını nəzərdən keçirib, yüksək və işçi səviyyələrdə və hər iki tərəfi maraqlandıran mövzular üzrə məsləhətləşmələrin davam etdirilməsini alqışlayıb və ikitərəfli qarşılıqlı əlaqələrin artmasını vurğulayıblar.

Görüşdə tərəflər sionist rejimin Qəzzəyə hücumlarının tez bir zamanda dayandırılması və məzlum Fələstin xalqına təcili humanitar yardımın göstərilməsinin vacibliyini qeyd ediblər.