İRNA-nın Fələstin Əl-Yəvmə istinadla verdiyi xəbərə görə, Fələstin Səhiyyə Nazirliyi bir hesabatda bildirib ki, sionist rejimin Qəzzəyə son işğalının əvvəlindən bu yana Qəzza zolağında 19,600, İordan çayının qərb sahilində isə 302 fələstinli işğalçı qüvvələr tərəfindən şəhid edilib və 55 mindən çox fələstinli də yaralanıb.
Fələstinin Səhiyyə Nazirliyi şəhidlərin 70 %-nin qadın və uşaqlar olduğunu, minlərlə insanın hələ də itkin olduğunu vurğulayıb.
Bu hesabata görə, indiyədək 310 tibb işçisi, 35 mülki müdafiə qüvvəsi, 97 jurnalist və BMT-nin Yaxın Şərqdəki Fələstinli Qaçqınlara Yardım və İşlər üzrə Agentliyinin (UNRWA) 136 əməkdaşı şəhid olub.
Fələstinin Səhiyyə Nazirliyi həmçinin elan edib ki, təxminən 1,9 milyon insan, yəni Qəzza əhalisinin təxminən 90 faizi bu ərazidə didərgin düşüb və onlardan 1,2 milyonunun adı Qəzza zolağı boyunca UNRWA-nın 154 mərkəzində qeydə alınıb. Onların təxminən bir milyonu Qəzza zolağının cənubundakı 94 ofisdə həyata keçirilib.
Publish Date: 20 dekabr 2023 - 21:30
Tehran - İRNA - Fələstinin Səhiyyə Nazirliyi sionist rejimin bu bölgəyə təcavüzünün başlanğıcından bu yana şəhidlərin sayının 19,902-yə, yaralıların sayının isə 55 min nəfərə çatdığını açıqlayıb.