Fransanın Müdafiə Naziri Sebastyan Lekornu dünən axşam (23 fevral) ermənistanlı həmkarı Suren Papikyanla danışıqlardan sonra İrəvanda keçirdiyi mətbuat konfransında deyib: “Fransa lazım gələrsə Ermənistana müxtəlif mənzilli raketlər göndərməyə hazırdır.”
O, bildirib ki, heç kim Ermənistanı hərbi potensialını inkişaf etdirdiyinə görə tənqid edə bilməz.
Lekornu qeyd edib ki, silah alqı-satqısı müqavilələri Papikyanın Parisə səfəri zamanı imzalanıb və bunun əsasında Ermənistana hava hücumundan müdafiə sistemləri də ixrac olunur.