Şübhəsiz ki, bu qorxaqcasına və nifrət doğuran hücum diplomatik şəxslərin və məkanların - İran İslam Respublikasının Dəməşqdəki səfirliyinin binası - toxunulmazlığının pozulması aktıdır və beynəlxalq qaydalar, xüsusilə Diplomatik Münasibətlər haqqında 1961-ci il Vyana Konvensiyası, diplomatik məmurlar da daxil olmaqla, beynəlxalq müdafiə olunan şəxslərə qarşı cinayətlərin qarşısının alınması və cəzalandırılması haqqında 1973-cü il Konvensiyası və Birləşmiş Millətlər Təşkilatının Nizamnaməsi ilə açıq şəkildə ziddiyyət təşkil edir.
Gözlənti budur ki, iyrənc təcavüz və beynəlxalq hüququn pozulması aktı hökumətlər və beynəlxalq assambleyalar tərəfindən qəti şəkildə pislənəcək.
Bu terror hücumu Qəzzə zolağında altı ay davam edən qəddar və cinayətkar müharibədən sonra, müqavimət hərəkatlarına, səbirli və dözümlü Fələstin xalqına qarşı heç bir qələbə qazana bilməyən hərbi, siyasi və əxlaqi məğlubiyyətə düçar olmuş sionist rejimin çarəsizliyini, acizliyini və strateji yönünü itirdiyini göstərir.
Açıq-aydın görünür ki, sionistlər Qəzzə zolağında müqavimətin gücünü dayandıra bilmədilər, indi dünyada siyasi və beynəlxalq təcrid vəziyyətindən çıxmaq üçün hər cür kor və acizlik cəhdinə əl atıblar.
İran İslam Respublikası iqtidarla, müdrikliklə və dirayətlə təcavüzkar və bədbəxt sionist rejimi törətdiyi yeni cinayətinə görə peşman edəcək və bu qondarma rejim belə ağır cinayətlərə əl atmaqla heç vaxt qəti məğlubiyyətdən xilas ola bilməyəcək.
Eyni zamanda İran İslam Respublikası qondarma İsrail rejiminin bölgədə və işğal olunmuş Fələstin coğrafiyasından kənarda müharibənin miqyasını genişləndirmək üçün avantürist fəaliyyətləri ilə bağlı beynəlxalq ictimaiyyətə xəbərdarlıq edir və İran İslam Respublikasının Dəməşqdəki diplomatik nümayəndəliyinə qarşı cinayətkar hücumun nəticələrinə görə məsuliyyətin qəsbkar sionist rejimin üzərinə düşdüyünü bildirir.
Bu kontekstdə İran İslam Respublikası beynəlxalq qanunlara və Birləşmiş Millətlər Təşkilatının Nizamnaməsinə əsaslanan bu cür terror aktlarına qətiyyətlə cavab vermək üçün qanuni və təbii hüququnu özündə saxlayır. Qəsbkar sionist rejimin cinayətkar başçıları da bunu bilməlidirlər ki, bu cür acizcəsinə hücumlar Əl-Əqsa Tufanı əməliyyatında məzlum, lakin qüdrətli Fələstin xalqının Qəzzə zolağında altı aylıq qəhrəmanlığı qarşısında rejimin düzəlməz uğursuzluğunu kompensasiya etməyəcək. İran İslam Respublikası Fələstin xalqının təbii və qanuni hüquqlarına verdiyi şərəfli dəstəyindən geri çəkilməyəcək.