Məhəmməd Sadiq Mötəmidiyan cümə günü axşam Qərbi Azərbaycan fövqəladə hallar qərargahının iclasında əyalətin bəzi bölgələrində, xüsusilə Urmiya şəhərindəki sel və su basmaya təcili reaksiya verilməsinin vacibliyini vurğuladı və əlavə etdi: Leysan və doludan sonra təəssüf ki, Urmiyanın Koştarqah məntəqəsində və digər ərazilərdəki təxminən 70 yaşayış evi, həmçinin vilayətin digər şəhərlərindəki bəzi obyektlərə ciddi ziyan dəyib ki, bu da insanlara kompensasiyanın ödənilməsi üçün təcili tədbirlər görülməsini tələb edir.
O, həmçinin böhranın idarə edilməsi zamanı mülki müdafiə orqanları və icraçı qurumlar arasında daha çox koordinasiyaya ehtiyac olduğunu vurğuladı və bildirdi: Böhranların idarə edilməsi zamanı lazım olan qurğu və avadanlıqların istifadəsi üçün daha çox koordinasiya insanlara xidmətlərin göstərilməsini sürətləndirə bilər.
Qərbi Azərbaycanın vilayətinin valisi yardım qurumlarının daha da hazırlanması və gücləndirilməsinin zəruriliyini vurğuladı və əlavə etdi: Tələb olunan avadanlıqların tədarükü, daha çox manevrlər və qabaqlayıcı proqramların həyata keçirilməsi və qurumlararası əməkdaşlığın gücləndirilməsi icra və yardım qurumlarının böhran dövründə xalqa xidmətə hazırlığının gücləndirilməsi və artırılmasında səmərəli ola bilər.