İran İslam Respublikasının BMT-dəki səfiri və daimi nümayəndəsi Əmir Səid İrəvani yerli vaxtla çərşənbə günü axşam BMT Təhlükəsizlik Şurasının “Yaxın Şərqdəki vəziyyət” mövzusunda keçirilən iclasında bildirib: İran İslam Respublikası bu mənfur terror aktını ən sərt şəkildə pisləyir və bunu beynəlxalq hüquq və Birləşmiş Millətlər Təşkilatının nizamnaməsinin ciddi şəkildə pozulması, həmçinin İranın suverenliyi və milli təhlükəsizliyinin pozulması kimi qiymətləndirir.
İran İslam Respublikasının yüksək səviyyəli diplomatı əlavə edib: Kifayət qədər təxribatçı olan bu terror təcavüzü sülh və təhlükəsizliyin ciddi şəkildə pozulmasıdır və BMT Təhlükəsizlik Şurasının nizamnaməyə əsaslanan vəzifələrini yerinə yetirmək üçün təcili və təsirli addım atmasını tələb edir.
O, bəyan etdi: Təəssüf ki, Amerika Birləşmiş Ştatları bir daha reallığa göz yummağa və mövcud vəziyyətin köklərinə məhəl qoymamağa qərar verdi. HƏMAS kimi Fələstin müqavimət qrupları və bölgədəki digər müqavimət qrupları terrorçu deyil. Beynəlxalq hüquqa görə onlar legitim və hüquqi qruplardır və işğala və təcavüzə qarşı mübarizə aparmaq üçün yaradılıblar.
İrəvani davam etdi: Bu gün bu görüşdə və qurama şouda Təhlükəsizlik Şurasının daimi üzvləri olan bu üç ölkə regionda sülhün və təhlükəsizliyin qorunması ilə bağlı beynəlxalq öhdəliklərinə əməl etməkdə uğursuzluqlarını və məğlubiyyətlərini etiraf etmədən, yalandan İran İslam Respublikasını müqəssir saydılar və ittiham etdilər.