İranın BMT-dəki səfiri və daimi nümayəndəsi Əmir Səid İrəvani bazar ertəsi Təhlükəsizlik Şurasının sədri və BMT Baş katibinə ünvanladığı məktubda Amerikanın ittihamları ilə bağlı yazıb: “Hazırkı məktub BMT Təhlükəsizlik Şurasının 2024-cü il avqustun 8-də “Terror aktları nəticəsində beynəlxalq sülh və təhlükəsizliyə qarşı təhdidlər” mövzusunda açıq iclasının yekunları üzrə hazırlanıb. Bu iclasda Amerika Birləşmiş Ştatlarının nümayəndəsi Rusiya Federasiyasının nümayəndəsinin açıqlamalarına cavab verərkən iclasın gündəliyindən kənara çıxaraq, regionda terrora dəstək verməklə bağlı İran İslam Respublikasına qarşı əsassız, çaşdırıcı və saxta ittihamlar irəli sürdü.”
İran İslam Respublikasının BMT-dəki yüksək vəzifəli diplomatı əlavə edib: “İran İslam Respublikası Amerika Birləşmiş Ştatlarının nümayəndəsinin bu əsassız ittihamlarını və məsuliyyətsiz davranışını qəti şəkildə rədd edir və pisləyir.”
“Aydındır ki, İran İslam Respublikası deyil, Amerika Birləşmiş Ştatları həm regionda, həm də beynəlxalq miqyasda terrorizmin əsas sponsoru və yayıcısıdır. Amerika Birləşmiş Ştatları özü İsrail rejiminin törətdiyi soyqırımı dəstəklədiyi, uşaqlar və qadınlar da daxil olmaqla günahsız Fələstin xalqını terror etməyə və qətlə yetirməyə davam etməklə Qəzzə zolağında qan tökülməsi və terroru uzatmaq üçün sionistlərə böyük miqdarda silah verdiyi bir halda İran İslam Respublikasını ittiham etməsi gülünc və utancvericidir” - deyə, İrəvani qeyd edib.