Sionist mənbələr partlayışın bu rejimin müharibə nazirliyində baş verdiyini bildiriblər.
Sözügedən partlayış HƏMAS-ın hərbi qanadı Şəhid İzzəddin Əl-Qəssam və İslami Cihad Hərəkatının hərbi qanadı Səraya Əl-Qüds batalyonlarının dünən (bazar günü) Təl-Əvivdə baş verən partlayışa görə məsuliyyəti öz üzərinə götürməsindən cəmi bir neçə saat sonra baş verib.
Polis və sionist rejimin “Şabak” daxili casusluq təşkilatı bu gün birgə bəyanat yayaraq, ayıq-sayıqlıq səviyyəsinin artırılmasını elan ediblər.
Sionist xəbər mənbələri də bazar günü axşam saatlarında Təl-Əvivdəki partlayışın bomba və şəhadəttələb əməliyyat nəticəsində baş verdiyini bildiriblər.
Bu mənbələrə görə, şəhid olan şəxsin partlayıcı kəməri olub və görünür, bomba təyin olunan vaxtdan əvvəl partlayıb.