İran İslam Respublikasının xarici işlər naziri doktor Seyid Abbas Əraqçi yerli vaxtla cümə günü Təhlükəsizlik Şurasının iclasında Yaxın Şərq və Fələstindəki vəziyyətlə bağlı əlavə edib: İsrail rejiminin müharibə meyli ABŞ-ın hərbi və siyasi dəstəyinə əsaslanır. Amerika silahları İsrail rejiminin Qəzzada istifadə etdiyi silah və sursatların əsas hissəsini təşkil edir və beləliklə, ABŞ İsrail cinayətlərinin hər tərəfində ortaqdır.
Əraqçi deyib: Dünya qəzəb və ikrahla izləyir, ABŞ, İngiltərə, Kanada, Almaniya və bəziləri isə yalnız cinayətkarlara ürək-dirək verir. Axı siz həqiqətənmi dünya ictimaiyyətinin insan haqları iddialarınızın səmimiliyinə inanacağını gözləyirsinizmi?
İranın xarici işlər naziri vurğulayıb: Təhlükəsizlik Şurasının etibarlılığı hər an azalır, çünki İsrail rejiminin əsas tərəfdarları onun nizamnamə üzrə öz vəzifəsini yerinə yetirməsinə mane olublar. Təhlükəsizlik Şurası indi hərəkətə keçməli və İsrail rejiminin 8 onillikdə qəddarcasına əzilən və işğal olunmuş bütöv bir xalqı məhv etmək kimi qəddar planını dayandırmalıdır.