İranın xarici işlər naziri Əraqçi BMT-nin baş katibi Quterreş və BMT Baş Assambleyasının sədri ilə ayrı-ayrılıqda keçirdiyi görüşlərdə sionist rejimin Livana qarşı yeni təcavüzkar hərəkətlərinin və Seyid Həsən Nəsrullah və onun bir qrup tərəfdaşının terror edilməsinin çox təhlükəli nəticələri barədə xəbərdarlıq edib. O, BMT-nin regional və beynəlxalq sülh və təhlükəsizliyin qorunması üçün təcili tədbirlər görmək üçün məsuliyyət daşıdığını vurğulayıb.
Təhlükəsizlik Şurasının heç bir təsirli tədbir görməməsinə və İsrailin soyqırımını və təcavüzünü pisləyən sadə bəyanat belə verə bilməməsinə toxunan Əraqçi, beynəlxalq ictimaiyyəti işğalçı rejimin şər əməllərinə qarşı durmağa çağırmağı Baş Katibin və Baş Assambleya sədrinin hüquqi və mənəvi borcu olduğunu qeyd etdi.
Əraqçi davamında İran İslam Respublikasının sionist rejimin şər əməllərinə qarşı öz həyati mənafeləri və milli təhlükəsizliyini hərtərəfli müdafiə etmək əzmini vurğulayaraq bildirib ki, İsrailin təcavüzü və işğalına qarşı müqavimət yolu və idealı güclü şəkildə davam edəcək və sionist rejimin cinayətləri region xalqlarını öz ayrılmaz hüquqlarını müdafiə etmək və İsrail rejiminin şərləri ilə mübarizədə daha əzmkar edəcək.