Sionist rejimin İran torpağına təcavüzkar hücumundan sonra dünya ölkələri bu hərəkətə reaksiya veriblər. Bununla belə, Avropa ölkələri həmişə olduğu kimi, İsrailin aparteid rejimini açıq şəkildə pisləməkdən çəkinməyə çalışıblar.
Dünya hökumətləri dövlət terrorizmindən azad bir dünya istəyirlər
Misir Xarici İşlər Nazirliyi bəyanat yayaraq, regionun təhlükəsizliyini və sabitliyini təhdid edən və münaqişələri yayan istənilən hərəkəti pisləyib, regionun və dünyanın təhlükəsizliyini təhdid edən istənilən təhlükəli münaqişəyə qarşı xəbərdarlıq edib.
İordaniya Xarici İşlər Nazirliyi də yaydığı bəyanatda vurğulayıb ki, sionist rejimin İrana qarşı təcavüzü bu ölkənin suverenliyinin və beynəlxalq qanunların pozulmasıdır. Bu nazirlik sionistlərin İrana qarşı təcavüzünü regionda daha da gərginliyə səbəb olan təhlükəli bir hərəkət kimi qiymətləndirib.
Səudiyyə Ərəbistanının Xarici İşlər Nazirliyi sionist rejimin İrana qarşı hərbi təcavüzünü pisləyib, bunu suverenliyin və beynəlxalq qanunların pozulması hesab edib.
Qətərin Xarici İşlər Nazirliyi də bəyanatında sionist rejimin İrana qarşı hərbi təcavüzünü pisləyərək vurğulayıb: “Biz bölgədəki gərginliyin nəticələrindən çox narahatıq. Bütün tərəfləri təmkin nümayiş etdirməyə, bölgədə təhlükəsizlik və qeyri-sabitliyin aradan qaldırılması üçün dialoq və dinc yollarla fikir ayrılıqlarını həll etməyə çağırırıq.”
BƏƏ Xarici İşlər Nazirliyi də Fars körfəzinin digər ölkələri kimi bəyanat yayaraq sionist rejimin İrana qarşı hərbi təcavüzünü pisləyib.
İsveçrə Xarici İşlər Nazirliyi X sosial şəbəkəsində sionist rejimin bu gün səhər saatlarındakı təcavüzünü pisləməklə yanaşı, bölgədə hərbi əməliyyatların dayandırılmasını istəyib. İsveçrənin diplomatik xidməti daha sonra münaqişənin bütün tərəflərini regionda zorakılığın artmasının pisləşməməsi üçün hərbi əməliyyatları dayandırmağa çağırıb.