Briqada generalı Qədir Rəhimzadə şənbə günü bu bölgəyə səfəri çərçivəsində deyib: Bu gün bütün təzyiqlərə, sanksiyalara və təhdidlərə baxmayaraq, Ali Baş Komandanın cəsarəti və uzaqgörənliyi ilə İran İslam Respublikası regionun ən güclü dövlətlərindən birinə çevrilib və biz getdiyimiz yolu möhkəm və güclü şəkildə davam etdirəcəyik.
O, "Doğru vəd" əməliyyatında dünya sionist rejimin müdafiə sistemlərinin iranlı gənclərin iradə və imanları qarşısında iflasa uğradığının şahidi olduğunu bildirdi və dedi: İran İslam Respublikasının silahlı qüvvələri ölkənin övladlarının təşəbbüsləri və yaradıcılığı ilə belə bir nüfuz və tərəqqi mərhələsinə gəlib çatmışdır ki, bu da öz unikal qüdrətləri qarşısında dünyanın hegemonlarını heyrətə gətirir.
Rəhimzadə əlavə edib: Sionist rejimin son bir ildəki təxribatları, düşmənin media əməliyyatlarına baxmayaraq, müqavimət cəbhəsinin qüvvələr nisbətində heç bir dəyişikliyə səbəb olmayıb və bu cəbhənin döyüşçüləri müqəddəs Qüdsün azad edilməsinə qədər öz mübarizələrini sonadək davam etdirəcəklər.
O, vurğulayıb: Qəsbkar sionist rejim müqavimət cəbhəsindən ağır zərbələr alıb və bu rejimin hərbi məsullarının dəyişməsi göstərir ki, bu rejim müqavimət cəbhəsinin qüdrəti qarşısında çarəsizdir.