Ər-Riyad sammitinin iştirakçıları bu gün bəyanat yayaraq, Fələstin xalqının hüquqlarını, o cümlədən Şərqi Qüdsün paytaxt olması ilə 1967-ci il yanvarın 4-dəki sərhədlərində müstəqil və suveren dövlət qurmaq hüququnu və azadlıqdan istifadə etmək hüququnu dəstəklədiklərini vurğuladılar.
Bu bəyanatda, başda 194 saylı qətnamə olmaqla, müvafiq beynəlxalq qətnamələrə əsasən fələstinli qaçqınların geri qayıtmaq və qaçqınlara təzminat ödəmək hüquqları vurğulanıb.
Bu sammitin iştirakçıları Fələstinin əbədi paytaxtı kimi Şərqi Qüds üzərində Fələstin Muxtariyyətinin tam suverenliyini də vurğuladılar.
Bu bəyanatda Livan Respublikasına, onun təhlükəsizliyinə, sabitliyinə və suverenliyinə və vətəndaşlarının təhlükəsizliyinə mütləq dəstək vurğulanmaqla yanaşı, əvvəlki sammitin qətnamələri və İsrailin Qəzza və Livana təcavüzünə qarşı mübarizə aparmaq vurğulanıb. Bölgədə gərginliyin artması və Livana indiyə qədər davam edən təcavüzün artmasının təhlükələri barədə xəbərdarlıq edildi.
Bu bəyanatda sionist ordusunun dəhşətli cinayətləri və Qəzzada törətdiyi soyqırım pislənilib və əlavə olaraq, Ər-Riyad sammitində iştirak edənlər Livanda dərhal atəşkəs və 1701 saylı qətnamənin tam şəkildə həyata keçirilməsinə çağırıblar və dünya ictimaiyyətinin və beynəlxalq qurumların biganəliyi fonunda Suriya və İranın suverenliyinin pozulmasının təhlükələri barədə xəbərdarlıq edilib.