İran İslam Respublikasının BMT-dəki səfiri və daimi nümayəndəsi Əmir Səid İrəvani çərşənbə axşamı Təhlükəsizlik Şurasının iclasında Yaxın Şərq və Suriyada baş verən hadisələrlə bağlı deyib: “İran İsrailin işğalçı rejimi tərəfindən Suriyanın suverenliyi və ərazi bütövlüyünün davamlı şəkildə pozulmasını qətiyyətlə pisləyir.
Bu rejim Suriyadakı mövcud vəziyyətdən sui-istifadə etməklə öz siyasi məqsədlərini həyata keçirir və ölkənin infrastrukturlarını məhv etməkdə davam edir. Təhlükəsizlik Şurası bu təcavüzlərə qarşı qətiyyətli addımlar atmalı və İsrailin Suriya torpaqlarını işğal etməsinə son qoymalıdır.”
“İran və Suriya arasında ümumi maraqlar və beynəlxalq hüquq prinsipləri əsasında genişlənməkdə davam edən tarixi və dostluq əlaqələri var. İran konstruktiv rolunda möhkəm dayanır, Suriyada və daha geniş regionda davamlı sülh və sabitliyə nail olmaq üçün BMT, regional tərəfdaşlar və Suriya xalqı ilə əməkdaşlıq edəcək” - deyə, İrəvani bildirib.