Hökumət, İslami Şura Məclisi və Məhkəmə Sisteminin yüksək vəzifəli şəxsləri və bəzi qurumların rəsmilərindən ibarət bir qrup yeni il münasibətilə bu gün (çərşənbə axşamı) günortadan sonra İslam İnqilabının Ali Rəhbəri ilə görüşüb.
Ali Məqamlı Rəhbərin bu görüşdəki çıxışının ən mühüm məqamları bunlardır:
- Oman danışıqları Xarici İşlər Nazirliyinin onlarla vəzifəsindən biridir. Ölkə öz işlərini dialoqa bağlamamalıdır.
- Biz bu danışıqlara nə həddindən artıq nikbin, nə də həddən artıq bədbin yanaşırıq.
- Hər halda, qəbul olunmuş qərar və hərəkətdir və ilk addımlarda yaxşı həyata keçirilib. Təbii ki, qarşı tərəfə çox bədbin yanaşırıq, amma öz qabiliyyətlərimizə nikbin yanaşırıq.
- JCPOA-da etdiyimiz səhv burada təkrarlanmamalıdır. JCPOA dövründə biz ölkənin işlərini ona bağladıq və hər şeyi danışıqların gedişindən asılı etdik. İnvestorlar ölkənin danışıqlara tabe olduğunu görəndə investisiya qoymayacaqlar.
- İstehsalata investisiya qoymaqla ölkə bir çox problemlərdən xilas olar. Ona görə də İqtisadiyyat Nazirliyi, Mərkəzi Bank və digər aidiyyatı qurumlar cəmiyyətdə mövcud olan kapitalı və likvidliyi istehsala investisiyaya yönəltməlidir.
- İnvestisiya təhlükəsizliyi də təmin edilməli və istehsal sahəsində iqtisadi fəaliyyətə maneələr aradan qaldırılmalıdır. Daxili sərmayələr çiçəklənərsə, xarici investorlar da İranda fəaliyyət göstərməyə can atacaqlar.
- Sanksiyaları ləğv etmək bizim əlimizdə deyil, onları zərərsizləşdirmək isə bizim əlimizdədir. Bunun üçün bir çox yol və adekvat daxili imkanlar var. Bu məqsədə nail olunarsa, ölkə sanksiyalar qarşısında toxunulmaz olacaq.
Həzrət Ayətullah Xamenei çıxışının sonunda sionist cinayətkar dəstənin Qəzzədə xəstələrə, jurnalistlərə, təcili yardım maşınlarına, xəstəxanalara, məzlum uşaq və qadınlara qəsdən hücum edən misli görünməmiş cinayətlərinə toxunaraq deyib: “Bu cinayətlər qeyri-adi qəddarlıq tələb edir və işğalçı cinayətkar qrup bu qəddarlığa sahibdir.”
Ali Məqamlı Rəhbər İslam dünyasının iqtisadi, siyasi və lazım gələrsə, əməliyyat sahələrində koordinasiyalı hərəkətini ciddi ehtiyac adlandıraraq deyib: “Təbii ki, Allah öz qamçısını bu zalımların başına endirəcək, lakin bu, hökumətlərin və xalqların ağır məsuliyyətlərini azaltmır.”