Bu sözləri Abbas Əraqçi ölkəmizin Moskvadakı səfirliyinin iqamətgahında İran İslam Respublikasının Ordu Günü münasibətilə keçirilən mərasimdə deyib.
Qeyd edək ki, bu mərasim Rusiya hərbi və müdafiə rəsmilərinin, eləcə də Moskvada fəaliyyət göstərən xarici səfirliklərin diplomatlarının və hərbi attaşelərinin iştirakı ilə keçirilib.
Xarici İşlər naziri sözügedən mərasimdə deyib: “Bu gün mən Ali Məqamlı Rəhbərin məktubunu Rusiyanın hörmətli Prezidentinə çatdırmaq üçün Moskvaya gəldim; onunla çox yaxşı görüşüm oldu və çox vacib müzakirələrimiz oldu.”
“İran İslam Respublikası ilə Rusiya arasında əlaqələr heç vaxt indiki kimi güclü, yaxşı və qarşılıqlı hörmət və mənafelərə əsaslanan olmamışdır” - deyə, o, əlavə edib.
Əraqçi qeyd edib ki, İran və Rusiya arasında bu yaxınlarda imzalanmış Hərtərəfli Strateji Əməkdaşlıq Sazişi iki ölkə arasında münasibətlərin səviyyəsini strateji səviyyəyə qaldırıb.
O, deyib: “Bizim Rusiyadakı dostlarımızla bütün beynəlxalq sahələrdə sıx əməkdaşlıq və məsləhətləşmələrimiz var.”
Əraqçi vurğulayıb: “İran və Rusiya arasında sıx əməkdaşlıq gələcəkdə daha böyük intensivlik və güclə davam edəcək.”