Şənbə günü, aprelin 26-da günortadan sonra Şəhid Rəcai Limanının doklarından birində baş verən partlayışdan sonra limanın bəzi hissələrində yanğın baş verib, daha sonra konteyner və yük daşıyıcılarının bəzi doklarına yayılıb. Liman fəaliyyətlərinə cavabdeh olan iki əsas qurumun yüksək səviyyəli rəhbərləri, o cümlədən İran Gömrük İdarəsinin baş direktoru və Limanlar və Dəniz Təşkilatının sədri, daxili işlər, yollar və şəhərsalma nazirləri ilə birlikdə hadisə yerində olublar. Yanğının qarşısını almaq və Şəhid Rəcai Limanında yüklərin boşaldılması və yüklənməsini bərpa etmək üçün bütün səylər göstərilib.
Məhz bu səylər fonunda ölkənin əsas tranzit və konteyner limanı və ən böyük ticarət qütbü bu gün səhər saatlarında fəaliyyətlərində qısamüddətli fasilədən sonra malların ixracı və idxalı və hətta xarici tranzitinin bərpasının şahidi oldu. Belə ki, Yol və Şəhərsalma naziri Fərzanə Sadiq bazar günü səhər saat 9-da bəyan edib ki, hazırda Bəndər Abbasdakı Şəhid Rəcai Limanının digər zona və hissələrində həmişə olduğu kimi müxtəlif yükləmə-boşaltma və s. işlər aparılır.
İllik 88 milyon tondan çox yük daşıma gücünə malik Şəhid Rəcai Limanı İranın ən mühüm limanı və regionun ikinci ən böyük limanıdır, ixrac və idxal qapısı, ölkənin iqtisadi nəbzinin tənzimləyicisi, Şimal-Cənub tranzit dəhlizinin kəsişməsi kimi tanınır.