Bəndər Abbasdakı Şəhid Rəcai Limanında baş verən acı hadisənin ardınca İraqın Baş naziri Məhəmməd Şiya əl-Sudani Məsud Pezeşkiyanla telefon danışığında bu kədərli hadisə ilə bağlı dərin təəssüf hissi keçirdiyini bildirib, İran hökuməti və xalqı ilə həmdərdlik ifadə edib və bir sıra həmvətənlərimizin həlak olması ilə bağlı başsağlığı verib.
İraqın Baş naziri belə bir hadisənin baş verməsindən təəssüfləndiyini bildirərək deyib: “Ümid edirdik ki, bu söhbət bu kədərli vaxtdan başqa şəraitdə baş tutacaq. Bu hadisədə həlak olanlara görə Sizə, İslam İnqilabının Ali Rəhbərinə və İranın şərəfli xalqına dərin hüznlə başsağlığı verirəm. Uca Allahdan həlak olanlara rəhmət, yaralananlara isə şəfa diləyirəm.”
Əl-Sudani həmçinin İraq hökumətinin hər cür əməkdaşlığa və yardıma tam hazır olduğunu bildirib və qeyd edib ki, İraqın Daxili İşlər nazirinə bununla bağlı iranlı həmkarı ilə lazımi koordinasiyanı həyata keçirmək tapşırılıb.