Ali Məqamlı Rəhbərin nümayəndəsi və Ali Milli Təhlükəsizlik Şurasının katibi Əli Əkbər Əhmədiyan Braziliyada keçirilən BRİKS Təhlükəsizlik Sammiti çərçivəsində Çinin Xarici İşlər naziri Vanq Yi ilə görüşüb və danışıqlar aparıb.
Ali Məqamlı Rəhbərin nümayəndəsi bu görüşdə vurğulayıb: “İranın ABŞ-la dolayı danışıqlarda aydın prinsipləri və mövqeləri var və həmişə strateji müttəfiqlərini bu danışıqlardan xəbərdar edir.”
Pekini Tehranın mühüm siyasi və iqtisadi tərəfdaşı adlandıran Əhmədiyan bəyan edib: “Biz bu ölkə ilə strateji əlaqələrimizi genişləndirmək niyyətindəyik.”
Görüş zamanı Çinin Xarici İşlər naziri Vanq Yi vurğulayıb: “Pekin İranın regionda və danışıqlarda prinsipial mövqelərini həmişə dəstəkləyib və Tehranla iqtisadi əlaqələrini daha da genişləndirməyə hazırdır.”
Çinin Xarici İşlər naziri öz ölkəsini İran İslam Respublikasının hərtərəfli strateji tərəfdaşı hesab edib və İranın dinc nüvə texnologiyasından istifadə etmək hüququnu vurğulayıb.
“Hərtərəfli Strateji Əməkdaşlıq Sənədinə əsaslanaraq, Çin İranla qarşılıqlı əlaqələri gücləndirəcək və biz İran Prezidentinin Çinə gözlənilən səfərini iki ölkə arasında əlaqələrin inkişafında xüsusi səfərə çevirməyə çalışırıq” - deyə, o, qeyd edib.