“İrana səyahət üçün cazibəliklər və imkanlar” mövzusunda keçirilən bu toplantı İran İslam Respublikasının İtaliyadakı mədəniyyət attaşesi və İran səfirliyinin Umbriya əyalətinin Peruca şəhərindəki konsulluq məsələləri üzrə nümayəndəsi Seyid Məcid İmaminin iştirakı ilə keçirilib. İclasın əvvəlində İranın təbii gözəllikləri, mədəni müxtəlifliyi və tarixi təzahürlərindən bəhs edən sənədli film iştirakçılara nümayiş etdirilib və bu, iştirakçılar tərəfindən hərarətlə qarşılanıb.
Daha sonra əvvəllər İrana səfər etmiş bir qrup motosikletçi turist ölkəmizin qonaqpərvərlik mədəniyyətini, səyahət təhlükəsizliyini, cəlbedici marşrutlarını, saf mənzərələrini yüksək qiymətləndirərək xatirələrini bölüşüblər. Onlar İranı macəra turizmi üçün unikal məkan kimi təsvir ediblər. Onlardan bəziləri iki və ya daha çox dəfə müxtəlif marşrutlarla motosikletlə İrana gəldiklərini açıqlayıblar.