Bu telefon danışığı zamanı Xose Manuel Albarez İranın xarici işlər naziri ilə İsrail rejiminin İrana qarşı həyata keçirdiyi hərbi hücum və regiondakı son gərginliklərlə bağlı fikir mübadiləsi aparıb.
Seyyid Abbas Əraqçi qeyd edib ki, sionist rejim BMT Nizamnaməsinin və beynəlxalq hüququn prinsiplərini kobud şəkildə pozaraq, İran-ABŞ danışıqları fonunda – məhz altıncı raunddan cəmi iki gün öncə – İranın ərazi bütövlüyünü və suverenliyini pozaraq həm nüvə obyektlərinə, həm də yaşayış məntəqələrinə hücum edib. Onun sözlərinə görə, bu hücumun əsas məqsədi diplomatik proseslərə mənfi təsir göstərmək və digər ölkələri ədalətsiz bir müharibəyə sürükləmək olub.