İranın BMT-dəki səfiri və daimi nümayəndəsi Əmir Səid İrəvani yerli vaxtla bazar ertəsi BMT-nin baş katibi və Təhlükəsizlik Şurasının sədrinə ünvanladığı məktubunda əlavə edib: “Hökumətimin göstərişinə əsasən və İran İslam Respublikasının Xarici İşlər Nazirinin 13 iyun 2025-ci il tarixli məktubuna istinadla İsrail rejiminin İran İslam Respublikasına qarşı qeyri-qanuni və aqressiv hərəkətləri ilə diqqətinizə çatdırmaq istəyirəm ki, İran İslam Respublikası Birləşmiş Millətlər Təşkilatının Nizamnaməsinin 51-ci maddəsində nəzərdə tutulmuş özünümüdafiə hüququndan istifadə edərək, yalnız İsrail rejiminin işğalı altındakı və qeyri-qanuni ərazilərdəki hərbi hədəflərə strukturlara qarşı yönəlmiş mütənasib müdafiə əməliyyatları həyata keçirmişdir.
İranın BMT-dəki səfiri aydınlıq gətirib: “Bu hərəkətlər yalnız İsrail rejiminin nizamnamənin 2-ci maddəsinin 4-cü bəndini açıq şəkildə pozan qeyri-qanuni güc tətbiqinə cavab olaraq atılıb və beynəlxalq hüququn zərurət və mütənasiblik prinsiplərinə tam uyğun olaraq həyata keçirilib”.
İrəvani vurğulayıb: Əvvəlcə İranın cavabı hərbi hədəflərlə məhdudlaşdı, lakin İsrail rejiminin aqressiv hərəkətlərinin qəsdən artmasını, o cümlədən İranın mühüm mülki infrastrukturuna hücumları, xüsusilə də Fars körfəzi yaxınlığındakı Əsəluyə neft emalı zavoduna 14 iyun, 2025-ci il tarixdə İran İslam Respublikasının prinsiplərinə əsaslanan hücumu nəzərə alsaq, qanuni hədəf kimi İsrail rejiminə məxsus konkret infrastruktura qarşı əlavə tədbirlər gördü. Bunlar həmin rejimin davam edən təcavüzünə maddi töhfə verən və dəstəklənmədə rol oynayan hədəflər idi.
İranın BMT-dəki səfiri vurğulayıb: İranın hərbi cavabı yalnız təcavüzü dəf etmək, çəkindirmək və bu cür cinayətlərin təkrarlanmasının qarşısını almaq məqsədi daşıyır. İran İslam Respublikası öz təhlükəsizliyini və ərazi bütövlüyünü qətiyyətlə müdafiə edəcək.