İRNA-nın bazar ertəsi “Əl-Vətən”-ə istinadən verdiyi məlumata görə, Suriya ordusu İŞİD terror qruplaşmasının qalıqlarına qarşı əməliyyatlarını davam etdirib.
İŞİD qruplaşması son vaxtlar Suriya ordusunun bazalarına qarşı hücumlar həyata keçirib, nəticədə bir neçə nəfər şəhid olub və yaralanıb.
Cəbhə mənbələrindən biri Suriya ordusunun İŞİD qruplaşmasının hücumuna cavab olaraq Əsərya səhrasında və Deyr əz-Zorun qərbində, eləcə də Rəqqənin şərqində bu terror qruplaşmasına qarşı hücumlar həyata keçirdiyini açıqlayıb.
Suriya ordusunun hücumları nəticəsində çoxlu sayda terrorçu ölüb və yaralanıb. Sağ qalan bəziləri isə səhranın dərinliklərinə qaçıb.
Suriya ordusu həmçinin İŞİD ünsürlərinin Deyr əz-Zorun qərb səhrasındakı Suriya hərbi bazasına hücum etdiyini və iki tərəf arasında şiddətli toqquşmaların baş verdiyini açıqlayıb.
Bu şiddətli toqquşmalarda çoxlu sayda İŞİD öldürülüb, Suriya ordusunun iki əsgəri də şəhid olub.
Sizin rəyiniz