İRNA müxbirinin verdiyi məlumata görə, Amerikanın CNN xəbər kanalı bu barədə yerli vaxtla 12 avqustda məlumat verib: Danışıqlardan məlumatı olan amerikalı rəsmi CNN-ə bildirib ki, Qətərin paytaxtında bir ildən artıqdır ki, davam edən bu danışıqlarda birbaşa danışıq aparılmayıb.
O əlavə edib: Qətər rəsmiləri hər iki tərəfə mesajlar ötürürdü və bəzi logistik işlər mümkün olan ən ehtiyatlı şəkildə edilirdi.
CNN əlavə edib: Dohada razılaşmanın ümumi planı təxminən altı ay əvvəl və Vaşinqtonla Tehran arasında iki il yarım davam edən gərgin dolayı danışıqlardan sonra formalaşıb. Avqustun 10-da bu intensiv danışıqlar ilk nəticəsini verdi və İran Evin həbsxanasında saxlanılan 4 amerikalını azad edərək ev dustaqlığına köçürdü.
Danışıqlarla tanış olan bir neçə mənbənin CNN-ə verdiyi məlumatlara görə, danışıqlar gərgin atmosferdə keçib. Amerika və İranın diplomatik əlaqələri yoxdur və Vaşinqtonun bu barədə rəsmi Tehranla birbaşa qarşılıqlı fəaliyyətə dair ümumi təklifləri rədd edilmişdi.
Bunun əvəzinə ABŞ iki il yarım ərzində vasitəçilik rolunu oynayan Qətər, Oman, Böyük Britaniya və İsveçrə də daxil olmaqla, Yaxın Şərq və Avropadakı tərəfdaşlarına arxalanaraq dolayı yollarla getməli oldu.
Məlumatlı mənbənin sözlərinə görə, ABŞ rəsmiləri iranlılara qarşı “heç bir zəmanətin” olmadığı anlayışı ilə danışıqları davam etdiriblər. Danışıqlar yolunda getdikdən sonra, ABŞ hökuməti bununla bağlı Konqres və həbsdə olan amerikalıların ailə üzvləri ilə əlaqə saxlayıb.
Sizin rəyiniz