İRNA-nın xarici siyasət şöbəsinin məlumatına görə, Xarici İşlər naziri Hüseyn Əmir Abdullahiyan və Azərbaycanın Xarici İşlər naziri Ceyhun Bayramov arasında telefon danışığında iki ölkə arasında əlaqələrin inkişafı nəzərdən keçirilib və xüsusilə iqtisadi sahədə əldə olunmuş razılaşmaların icra olunması vurğulanıb.
Söhbətdə iqtisadi və siyasi nümayəndə heyətlərinin mübadiləsi və iki ölkə rəsmilərinin görüşlərinin koordinasiyası da daxil olmaqla, əlaqələrin perspektivi ilə bağlı zəruri razılaşmalar əldə edilib.
İran İslam Respublikası və Azərbaycan Respublikasının Xarici İşlər nazirləri Qafqazdakı son hadisələri, o cümlədən Qarabağın vəziyyətini və Ermənistan və Azərbaycan Respublikası sərhədlərindəki mövcud vəziyyəti müzakirə etdikdən sonra, cari məsələlərin dialoq yolu ilə həllinin vacibliyini vurğuladılar və regiondankənar müdaxilələrin regional məsələləri daha da mürəkkəbləşdirdiyini qeyd etdilər.
Tərəflər həmçinin regional və beynəlxalq forumlarda əməkdaşlıq sahələrinə dair fikir mübadiləsi aparıblar.
Sizin rəyiniz