İRNA-nın məlumatına görə, Sputnik xəbər agentliyi Rusiya Müdafiə Nazirliyinin bəyanatına istinad edərək əlavə edib: Münaqişənin başlanğıcından bəri Rusiya sülhməramlı qüvvələri Mardakert, Martuni və Əskəran bölgələrindən mülki əhalini təxliyə ediblər.
Bu açıqlamada deyilir: Həmin şəxslərə istirahət yerləri və isti yemək verilib. Onlar Rusiya hərbi həkimləri tərəfindən müalicə ilə təmin olunublar.
Rusiya Müdafiə Nazirliyi əlavə edib: Rusiya sülhməramlı qüvvələri regionda öz vəzifələrini yerinə yetirməyə davam edir və Bakı, İrəvan və Qarabağın mərkəzi Stepankert (Xankəndi) ilə davamlı qarşılıqlı əlaqədədir. Məqsəd qan tökülməsinin qarşısını almaq və təhlükəsizliyi təmin etmək, mülki şəxslərin insan hüquqlarının normalarını və həmçinin öz qüvvələrinin təhlükəsizliyini təmin etməkdir.
Rusiya Müdafiə Nazirliyi həmçinin xatırladıb ki, çərşənbə günü münaqişə tərəfləri arasında Rusiya sülhməramlı qüvvələrinin vasitəçiliyi ilə əldə olunan atəşkəs razılaşması və regionda mövcud vəziyyət günün 24 saatı diqqətdə saxlanılacaq.
Sizin rəyiniz