İRNA-nın Anadolu agentliyinə istinadən verdiyi məlumata görə, Azərbaycan Prezidenti vurğulayıb: “Azərbaycan xalqı Türkiyənin mənəvi dəstəyini unutmayacaq.”
Qarabağın bütün sakinlərinin Azərbaycan vətəndaşları olduğunu bildirən Prezident deyib: “Türkiyə ilə qarşılıqlı dəstəklə regional məsələləri düzgün istiqamətə yönəldəcəyik. Biz regionda sülh və sabitlik istəyirik, müharibə istəmirik.”
Əliyev həmçinin deyib: “Daşımaların həcmi (Bakı, Tbilisi və Ceyhan dəmir yolu ilə) tezliklə 5 milyon tona çatacaq.”
O, qeyd edib ki, bizim ticarət həcmimiz 6 milyard dollardan çoxdur və bu il 40%artıb. Hədəfimiz 15 milyard dollardır və biz bu hədəfə yaxın gələcəkdə çatacağıq.
Ərdoğanın BMT-dəki bəyanatlarına münasibət bildirən İlham Əliyev deyib: “Siz BMT tribunasından Azərbaycanın maraqlarını müdafiə etmək üçün beynəlxalq qanunlara əsaslanan ədalətli bəyanatlar verdiniz. Bu, Türkiyənin göstərdiyi növbəti qardaşlıq addımıdır.”
O, əlavə edib: “Şuşa Bəyannaməsi əlaqələrimizi yeni səviyyəyə qaldırdı. Bu gün əlaqələrimiz ən yüksək səviyyədədir. Biz bütün sahələrdə əlaqələrimizin ən aktiv dövrünü yaşayırıq.”
Türkiyə Prezidenti də Azərbaycan Respublikasının Qarabağ münaqişəsində bu yaxınlarda əldə etdiyi tarixi qələbəsini və mülki insanlara humanitar münasibətini təbrik etməklə yanaşı deyib: “Qarabağdakı bu son qələbə ilə regionda qlobal normallaşma üçün yeni perspektivlər açılır.”
Ərdoğan əlavə edib: “Azərbaycan ordusu türk millətinin ədalətini, fədakarlığını bir daha dünyaya göstərdi.”
O, həmçinin deyib: “Ermənistandan gözləntimiz budur ki, bundan sonra ona uzadılan sülh əlini sıxsın və doğru addımlar atsın.”
Türkiyə Prezidenti İğdır-Naxcıvan təbii qaz kəməri haqqında da deyib: “(Bu boru kəməri) Enerji sahəsində Azərbaycanla tərəfdaşlığımızı dərinləşdirəcək, həm də Avropanın enerji təchizatının təhlükəsizliyinə töhfə verəcək.”
Ərdoğan Azərbaycanla təbii qaz sazişinin daha da inkişaf etdiriləcəyini açıqlayıb.
Sizin rəyiniz