İRNA-nın Anadolu xəbər agentliyinə istinadlı məlumatına görə, Türkiyə prezidenti Rəcəb Tayyib Ərdoğan Özbəkistandan qayıdarkən təyyarədə jurnalistlərə deyib: Fələstin məsələsini həll etmədən nə regionda və dünyada sülhdən, nə də real beynəlxalq hüquq sisteminin aliliyindən danışa bilərik.
Ərdoğan deyib: Qərb Qəzzada atəşkəslə bağlı səmimidirsə, BMT qətnamələrinə əməl etməsi üçün İsrailə təzyiq etməlidir.
Türkiyə prezidenti deyib: Qəzzadan insanların tibbi yardımların əldə oluna biləcəyi yerlərə köçürülməsini nəzərdən keçiririk. Bu insanlar arasında bir neçə xərçəng xəstəsi və yaralı var.
Ərdoğan sözünə davam etdi: Biz bu müharibəni və qanı dayandırmağa çalışırıq. Amerika da bu həssaslığı göstərsə, İsraili dayandırmaq daha asan olar.
O, Səudiyyə Ərəbistanının ev sahibliyi edəcəyi İslam Əməkdaşlıq Təşkilatının (İƏT) qarşıdan gələn iclası barədə də deyib: İslam Ölkələrinin nümayəndələrinin iştirakı ilə bu toplantıda qəbul ediləcək qərarlar İsrailin zülmkar hərəkətlərinin qarşısını almaq üçün böyük addım olacaq.
Sizin rəyiniz