Rusiyanın müvəqqəti işlər vəkili Xarici İşlər Nazirliyinə çağırıldı

İRNA-nın məlumatına görə, Rusiyanın Tehrandakı səfiri burada olmadığından bu ölkənin müvəqqəti işlər vəkili şənbə günü (23 dekabr) axşam saatlarında Xarici İşlər Nazirliyinin Fars körfəzi üzrə Baş direktorunun köməkçisi tərəfindən çağırılıb, Mərakeşdə keçirilən Ərəb-Rusiya Əməkdaşlıq Forumunun altıncı iclasının bəyanatında yer alan əsassız iddialara Rusiya hökumətinin dəstəyinin təkrarlanması ilə bağlı İran İslam Respublikası hökumətinin sərt etirazının səviyyəsi ona açıqlanıb və etiraz notası təqdim olunub.

Bu görüşdə Fars körfəzi məsələləri üzrə Baş direktorunun köməkçisi ölkələr arasında münasibətlərdə tanınmış və fundamental prinsiplərdən biri kimi ölkələrin suverenliyinə və ərazi bütövlüyünə hörmət edilməsinin zəruriliyini xatırladaraq, Fars körfəzindəki üç İran adasının ölkəmizə əbədi mənsub olmasını qeyd edib və İran İslam Respublikası hökumətinin bununla bağlı istənilən tərəfin hər hansı iddiasını rədd edilmiş və qəbuledilməz hesab etdiyini vurğulayıb.

Görüşdə Rusiyanın müvəqqəti işlər vəkili İran İslam Respublikası hökumətinin etirazını ən qısa zamanda ölkəsinin hakimiyyət orqanlarına çatdıracağını bildirib.