BMT-nin baş katibi Kirmanda törədilən terror aktını qətiyyətlə pisləyib

İRNA-nın BMT müxbirinin verdiyi məlumata görə, BMT sözçünün müavini xanım Florensiya Soto Nino yerli vaxtla çərşənbə günü jurnalistlərə bildirib: Birləşmiş Millətlər Təşkilatının baş katibi İran İslam Respublikasının Kirman şəhərində anım mərasiminə bu gün edilən və 100-dən çox insanın ölməsi və çoxlu sayda yaralanması ilə nəticələnən hücumu qətiyyətlə pisləyir.

BMT sözçüsü bildirib: BMT-nin baş katibi bu hadisəni törədənlərin məsuliyyətə cəlb olunmasını istəyib.

O, əlavə etdi: BMT-nin baş katibi həlak olanların ailələrinə, İran İslam Respublikası xalqı və hökumətinə dərin hüznlə başsağlığı verir və yaralananların tezliklə sağalmasını arzulayır.