Türkiyə İsrailin Rəfaha hücumları ilə bağlı narahatlığını ifadə edib

Türkiyə Xarici İşlər Nazirliyi bəyanat verərək bildirib: Biz İsrailin Qəzza zolağında indiyədək həyata keçirdiyi dağıntı və qırğınlardan sonra cənubdakı Rəfah şəhərinə artan hücumlarından çox narahatıq.

Qeyd olunan bəyanatda İsrail ordusunun Rəfahda həyata keçirdiyi quru əməliyyatının Qəzza xalqını öz torpaqlarından çıxarmaq planının bir hissəsi olduğuna diqqət çəkilərək, bildirilib: Davam edən hücumlar Qəzzadakı humanitar faciəni daha da ciddi səviyyəyə çatdıracaq və bölgədə daimi atəşkəsə nail olmaq səylərinə zərər verəcək.

Nazirlik bəyanatında beynəlxalq ictimaiyyətdən, xüsusilə də BMT Təhlükəsizlik Şurasından İsrailin hücumlarının dayandırılması üçün lazımi tədbirlərin görülməsini istəyib.