İranın Atom Enerjisi Agentliyindəki səfiri: JCPOA-nın icrasının bərpası Qərbin konkret addımlarını gözləyir

Möhsin Nəziriəsl Vyana danışıqlarının gedişatı barədə açıqlama verərək deyib: “İran və JCPOA-nın digər üzvləri ABŞ-ın bu razılaşmaya qayıtmaq və qeyri-qanuni sanksiyaları ləğv etmək istəyini ifadə etdikdən sonra ABŞ-ın müəyyən şərtlər əsasında JCPOA-ya qayıtması və bu müqavilədə öz öhdəliklərini yerinə yetirməsi üçün danışıqlara başladılar.”

O, əlavə edib: “Əsasən, ABŞ-ın siyasi iradəsinin və qətiyyətinin olmaması səbəbindən bu uzun və zəhmətli danışıqlar səmərəriz qaldı.”

Ölkəmizin səfiri Amerika rəsmilərinin JCPOA-nın Ağ Evin gündəliyindən çıxarılması ilə bağlı bəyanatlarına toxunaraq qeyd edib ki, bu razılaşmada iştirak edən bəzi digər üzvlərin bu yüksək məsuliyyətsiz davranışa göz yumması ciddi narahatlıq doğurur. Bu məsələ onu göstərir ki, yanlış hesablamalar və konkret ölkənin məhdud siyasi gündəliyi JCPOA-nın icrasını bərpa etmək cəhdindən üstündür.

“Bütün tərəflərin JCPOA-nın şərtlərini tam şəkildə yerinə yetirəcəyi surətdə İran İslam Respublikası bu saziş çərçivəsində öz öhdəliklərini bərpa etməyə hazırdır” - deyə, səfir bildirib.