İran, Rusiya və Çinin Oman dənizində birgə təlimi başlayıb

Dəniz iqtisadi fəaliyyətlərini qorumaq üçün həyata keçirilən bu birgə təlimin əsas mərhələsi bu gün (çərşənbə axşamı) başlayıb və cümə gününə qədər davam edəcək.

Bu təlimdə İran İslam Respublikası Hərbi Dəniz Qüvvələrinin suüstü və hava bölmələri ilə Çin və Rusiyanın suüstü, sualtı və hava bölmələri, Oman, Azərbaycan, Qazaxıstan, Pakistan və Cənubi Afrika ölkələrindən də nümayəndələr iştirak edir.

Bu təlimin keçirilməsində məqsəd regionda təhlükəsizliyi və onun əsaslarını möhkəmləndirmək, iştirakçı ölkələr arasında çoxtərəfli əməkdaşlığı genişləndirmək və bu ölkələrin dünya sülhünü, dəniz təhlükəsizliyini birgə dəstəkləmək və ümumi gələcək məqsədilə dəniz icması yaratmaq üçün xoşməramlı olduqlarını və bacarıqlarını nümayiş etdirməkdir.