Amerikanın “Demokratiyaların Müdafiəsi” beyin mərkəzi İranın yerli medialarına istinadən İran prezidenti İbrahim Rəisinin süni intellekt (AI) sahəsində böyük addımlar mövzusundakı iclasda iştirakı və çıxışına toxunub və etiraf edib ki, İran əvvəllər kiber imkanlara və texnologiyalara sərmayə qoyduğundan, indi də bir çox ölkələr kimi süni intellektin istifadəsinə fokuslanıb.
Bu beyin mərkəzinin analitiki Set J. Franzmanın yazdığına görə, yuxarıda qeyd olunan toplantıda “rəqəmsal iqtisadiyyat” və İranın süni intellekt sahəsində atdığı addımlar kimi mövzular müzakirə edilib və təhlil edilib, İran Prezidenti virtual bizneslərdə fəal olan 15 menecerlə bu texnologiyanın mövcud mühiti və onun İrandakı yenilikləri haqqında danışıb.
Anti-İran beyin mərkəzi əlavə edib: “İran bu sahələrdə gənclərin yetişdirilməsinə sərmayə yatırmaq və region üçün təhlükəsizlik və müdafiə təsirləri ola biləcək süni intellekt sahəsində işləmək niyyətindədir. Rəisi hökuməti iqtisadi artıma və iş yerlərinin yaradılmasına diqqət yetirir. Bu istiqamətdə İran öz maliyyə və hüquqi dəstəyini gücləndirməklə yanaşı, özəl sektorun bu sahədə iştirakı üçün uyğun platforma yaradır.”
Bu təhlil toplantıda iştirak edən bəzi yeni biznesləri təqdim edərək bildirib ki, İranın İqtisadiyyat naziri Ehsan Xanduzi də hökumətin rəqəmsal iqtisadiyyat sektorunda 100 min insana təlim keçməyi planlaşdırdığını vurğulayır.
Sizin rəyiniz