İranın BMT-dəki səfiri və daimi nümayəndəsi Əmir Səid İrəvani yerli vaxtla şənbə günü gecə Birləşmiş Millətlər Təşkilatının Baş katibi Antonio Quterreşə, eləcə də ölkəsi bu ay (aprel) Təhlükəsizlik Şurasına sədrlik edən Maltanın səfiri və daimi nümayəndəsi xanım Vanessa Freyzerə məktubunda vurğuladı: İran İslam Respublikasının hərbi əməliyyatı BMT Nizamnaməsinin 51-ci maddəsində açıq-aşkar ifadə olunmuş özünü müdafiə etmək hüququna uyğun olaraq və İsrail rejiminin təkrar hərbi təcavüzünə, xüsusilə də bu rejimin 1 aprel 2024-cü ildəki nizamnamənin 2-ci maddəsinin 4-cü bəndi ilə tamamilə ziddiyyət təşkil edən hərbi hücumuna cavab olaraq həyata keçirilmişdir.
İran İslam Respublikasının BMT-dəki ən yüksək vəzifəli diplomatı deyib: Təəssüf ki, BMT-nin Təhlükəsizlik Şurası beynəlxalq sülh və təhlükəsizliyin qorunmasında üzərinə düşən vəzifələri yerinə yetirə bilmədi və İsrail rejiminə beynəlxalq hüququn qırmızı xətlərini və əsas prinsiplərini pozmağa icazə verdi. Bu cür pozuntular regionda gərginliyi artırıb, regional və beynəlxalq sülh və asayişə təhlükə yaradıb.
Bu məktubda o qeyd edib: Əgər İsrail rejimi yenidən hər hansı hərbi əməliyyata əl atsa, İranın cavabı, şübhəsiz ki, daha güclü və daha qəti olacaq.
Sizin rəyiniz