TŞ-nin sionist rejimin İran konsulluğuna təcavüzünü pisləyəcəyini gözləyirdik

Sloveniyanın Xarici İşlər naziri Tanja Fajon ilə Hüseyn Əmir Abdullahiyan arasındakı telefon danışığında ölkəmizin Xarici İşlər naziri regionda baş verən son hadisələri, xüsusilə Fələstindəki vəziyyəti müzakirə edib.

Bu telefon danışığında ölkəmizin Xarici İşlər naziri sionist rejimin İran İslam Respublikasının suverenliyini pozan, ölkəmizin Dəməşqdəki diplomatik məkanına hücumunu qətiyyətlə pisləyərək deyib: “Biz Təhlükəsizlik Şurasının bu təcavüz aktını pisləyəcəyini gözləyirdik, lakin ABŞ və iki Avropa ölkəsi bu açıq-aşkar təcavüzü pisləyən minimal bəyanatın qəbuluna mane oldu. Ona görə də ölkəmiz tərəfindən bu təcavüzə cavab olaraq qanuni müdafiə hüququ çərçivəsində hesablanmış əməliyyat həyata keçirildi.”

Bu telefon danışığında Sloveniyanın Xarici İşlər naziri Tanja Fajon da regionda gərginliyin artmasının qarşısının alınmasında İran İslam Respublikasının regional rolunun əhəmiyyətini vurğulayaraq deyib: “Sloveniyanın Qəzzədə davamlı sülhün bərqərar olması və humanitar yardım göndərilməsi istiqamətində səyləri davam edəcək və Sloveniya Qəzzədə atəşkəsin yaradılmasının regionda gərginliyi azaltmağın yeganə düzgün yolu olduğuna inanır.”