Əmir Abdullahiyan: İran heç vaxt regionda gərginlik yaratmağa cəhd etməyib

Avstriyanın Xarici İşlər naziri Aleksandr Şallenberq İran İslam Respublikasının Xarici İşlər naziri Hüseyn Əmir Abdullahiyan ilə telefon danışığında bölgədə münaqişələrin artmasının qarşısının alınması, Qəzzədə dərhal atəşkəsin yaradılması və bəzi ikitərəfli məsələlərin vacibliyini vurğulayıb.

Əmir Abdullahiyan bu söhbətdə qanuni müdafiə hüququ çərçivəsində İran İslam Respublikası Silahlı Qüvvələrinin sionist rejimin bəzi hərbi hədəflərinə qarşı son əməliyyatları ilə bağlı ölkəmizin mövqelərini açıqlayıb.

Xarici İşlər naziri regiondakı böhranın əsas kökünü sionist rejimin Qəzzə və İordan çayının qərb sahilində törətdiyi müharibə, soyqırım və birgə hərbi cinayətlər hesab edərək deyib: “İran İslam Respublikası heç vaxt regionda gərginliyin miqyasını genişləndirməyə çalışmayıb, lakin görünən odur ki, İsrail rejimi İran İslam Respublikasının təmkinindən yanlış mesaj alıb.”

Avstriyanın xarici işlər naziri Aleksandr Şallenberq də bu telefon danışığında deyib: “Avstriya Avropa İttifaqı ilə birlikdə İran İslam Respublikasının Dəməşqdəki səfirliyinin konsulluq binasına hücumu pisləyib. Təbii ki, İranın cavabında mütənasibliyi vurğulayırıq.”