Ayətullah Seyid İbrahim Rəisi bazar ertəsi axşam saatlarında Yəmən Ali Siyasi Şurasının sədri cənab Mehdi Əl-Muşatın telefon zənginə cavabda Yəmən xalqı və mücahidlərinin Qəzzanın məzlum və qüdrətli xalqına verdiyi dəstəyi yüksək qiymətləndirib və deyib: Bu dəstəklər möhtəşəm yürüşlər, məzlum Fələstin xalqına dəstək üçün aydın və qətiyyətli mövqelər ortaya qoymaq, eləcə də cinayətkar sionist rejimin iqtisadi damarlarını kəsmək səyləri kimi təqdirəlayiq hərəkətlərlə yanaşı, dünyanın azad xalqlarının yaddaşından silinməyəcək və İslam ümməti üçün qürur mənbəyi olacaqdır.
Prezident Yəmənin Fələstin xalqının soyqırımını dayandırmaq üçün cəsarətli təşəbbüslərinə də toxunaraq dedi: Qəhrəman Yəmən xalqının Fələstin xalqının yanında dayanması və müqavimət göstərməsi mütləq sionist rejimin cinayətlərinin qarşısını almaqda təsirli olacaq və balansı məzlum Qəzzə xalqının xeyrinə dəyişəcək.
Yəmənin Ali Siyasi Şurasının sədri cənab Mehdi Əl-Muşat bu telefon danışığında İran İslam Respublikası silahlı qüvvələrinin sionist rejimin İranın Suriyadakı konsulluğuna qarşı təcavüzkar fəaliyyətinə cavab olaraq həyata keçirdiyi qürurlu və şərəfli əməliyyatı təbrik edərək, deyib: Heç bir beynəlxalq qanuna əməl etməyən və zor tətbiqindən başqa heç bir dil bilməyən düşmənin tənbeh olunması və cəzalandırılması üçün bu şücaətli hərəkət şanlı İslam inqilabının yenidən təkrarı idi və İmam Xomeyninin (r.ə.) təlimlərindən irəli gəlir.
Sizin rəyiniz