Əmir Abdullahiyan: İranın Suriyadakı diplomatik məkanına hücumun mənşəyini hədəf aldıq

İran İslam Respublikasının Xarici İşlər naziri Hüseyn Əmir Abdullahiyan Yaponiyanın Xarici İşlər naziri xanım Yuku Kamikava ilə telefon danışığında ölkəmizin Silahlı Qüvvələrinin təcavüzkar sionist rejimə qarşı son qanuni müdafiə cavabı ilə bağlı İran İslam Respublikasının mövqeyini, həmçinin Qəzzədə dərhal atəşkəs əldə olunmasının vacibliyini və regionda dəniz təhlükəsizliyinin əhəmiyyətini müzakirə edib və fikir mübadiləsi aparıb.

Əmir Abdullahiyan bu danışıqda İran İslam Respublikasının sionist rejimin ölkəmizin Dəməşqdəki səfirliyinə qarşı həyasız hücumuna qarşı qanuni müdafiə, xəbərdarlıq və cəzalandırıcı cavab çərçivəsində hərbi əməliyyatının zəruriliyi və ölçülərini açıqlayaraq vurğulayıb: “İranın çox dəqiq və hesablanmış hərbi əməliyyatı ölkəmizin Dəməşqdəki diplomatik məkanına hücumun mənbəyi olan hərbi və kəşfiyyat bazalarına qarşı olub.”

Xarici İşlər naziri İran İslam Respublikasının regionda sülh və sabitliyin möhkəmləndirilməsinə kömək etmək əzmini vurğulayaraq deyib: “İsrailin hücumuna bu hərbi cavab yalnız məhdud və minimal bir əməliyyat idi və İsrail rejimi bundan sonra hansısa avantürist hərəkətlər etsə, bu dəfə İranın cavabı qəti, ani və maksimum olacaq.”
Ahf: 183

Əmir Abdullahiyan: “Doğru Vəd” Qərbi Asiyada güc balansının yeni tərifini təqdim etdi

Tehran - İRNA - Xarici İşlər naziri Doğru Vəd uğurlu əməliyyatı münasibəti ilə Ordunun Baş komandanına minnətdarlığını bildirərək vurğulayıb: “Bu dəyərli və mürəkkəb hərbi əməliyyat Qərbi Asiya regionunda güc balansının yeni tərifini verdi və ölkəmizin fədakar Silahlı Qüvvələrinin İslamın və əziz İranın əzəli düşmənlərinə qarşı çəkindiricilik gücünü bir daha sübut etdi.”

Hüseyn Əmir Abdullahiyan çərşənbə axşamı İran İslam Respublikası Ordusunun Baş komandanı, general-mayor Seyid Əbdülrəhim Musəviyə yazdığı məktubda Doğru Vəd uğurlu əməliyyatını yüksək qiymətləndirərək bildirib: “Bununla, İran İslam Respublikasının Silahlı Qüvvələri tərəfindən zəfərli Doğru Vəd əməliyyatının planlaşdırılması, layihələndirilməsi və effektiv həyata keçirilməsi və sionist rejimin bölgədəki şər əməllərinə və ölkəmizin Dəməşqdəki səfirliyinin konsulluq şöbəsinin binasına hücum etməklə bir qrup SEPAH komandirini şəhid etmələrinə qarşı cavab olan zəfərli əməliyyata görə özümün və xarici siyasət aparatının minnətdarlığını bildirirəm.”