Müxbir: Gərginlik ardınca deyilik, lakin sionist rejim səhvə yol versə, sərt cavab verəcəyik

Məhəmməd Müxbir bu gün (cümə axşamı) günorta saatlarında Suriyanın Baş naziri ilə telefon danışığında Suriya Milli Günü münasibətilə təbrikini çatdırıb və iki ölkə arasında ikitərəfli əlaqələrin genişləndirilməsini vurğulayıb.
O, İslam Respublikasının Dəməşqdəki konsulluq binasının hədəf alınması hadisəsində Suriya hökumətinin başsağlığı müraciətini yüksək qiymətləndirərək deyib: “İran konsulluğunun binasına hücum həmin xəbis rejimin Fələstin müqavimətinə və müqavimət qruplarına qarşı çarəsizliyinin zirvəsini göstərdi.”

Birinci Vitse-prezident Əl-Əqsa Tufanının bölgəni yeni vəziyyətə daxil etdiyini bildirib: “Biz gərginlik ardınca deyilik, lakin sionist rejim növbəti səhvə yol verərsə, buna sərt cavab verəcəyik.”
Suriyanın Baş naziri də bu telefon danışığında sionist rejimin Dəməşqdəki İran konsulluğuna vəhşicəsinə hücumu nəticəsində İslam Respublikasının bir qrup hərbi məsləhətçisi və Suriya vətəndaşlarının şəhid olması ilə bağlı başsağlığı verərək, bu hərəkəti beynəlxalq qanun və qaydaların pozulması adlandırıb.