Prezident: İran və Pakistan arasında enerji sahəsində əməkdaşlıq sahəsi əlverişlidir

Prezident İran İslam Respublikasının müsəlman, qonşu və həmrəy ölkələr ilə əlaqələrin genişləndirilməsi siyasətinə toxunaraq, Pakistanla əlaqələrin genişləndirilməsini bütün bu məqsədlərin təminatçısı hesab edərək əlavə edib: “İki ölkə arasındakı əlaqələrin mövcud imkanlara diqqət etməklə, uyğun transformasiya oluna biləcəyinə inanırıq və buna görə də ilk addımda iki ölkə arasında ticarət mübadiləsinin həcmini 10 milyard dollara çatdırmaq barədə razılığa gəldik.”

Ayətullah Rəisi İran və Pakistan arasında enerji sahəsində də daxil olmaqla əməkdaşlıq və əlaqələrin genişləndirilməsi üçün bəzi uyğun sahələrə toxunaraq, sərhəd mübadilələrinin inkişafı, xüsusilə iki ölkənin ortaq sərhədlərində təhlükəsizliyin vacibliyinə işarə edərək deyib: “Təhlükəsizliyin təmin edilməsi və qorunub saxlanmasının zəruriliyi, terrorun müxtəlif formalarına qarşı qətiyyətlə mübarizə aparılması və ayrı-seçkiliyə yol vermədən insan haqlarının dəstəklənməsi, xüsusilə də məzlum Fələstin xalqının müdafiəsi məsələsində iki ölkə yaxın və ortaq yanaşmaya malikdir.”

Bu görüşdə Şahbaz Şərif də bu səfərin Pakistana şərəf gətirdiyini bəyan edərək, iki ölkə arasındakı münasibətləri çox güclü və dostluq kimi xarakterizə edərək deyib: “İki ölkənin, İran və Pakistanın hər birinin tərəqqisi digər ölkənin qarşılıqlı tərəqqisinə səbəb olacaq.”

İki ölkə arasında uzun ortaq sərhədlərin mövcudluğuna toxunan Pakistanın Baş naziri terrorizmə qarşı qətiyyətli mübarizəni və sərhədyanı ərazilərdə təhlükəsizliyin yaxşılaşdırılması, eləcə də sərhəd bazarlarının genişləndirilməsi yolu ilə sərhədyanı ərazilərdə iqtisadi rifahın yaradılması səylərini vurğulayıb.