Qəzzədə Şəfa xəstəxanası ərazisində daha bir kütləvi məzarlıq aşkar edildi

Qəzzə zolağında Hökumətin İnformasiya Ofisinin yaydığı bəyanatda bildirib: “Bu gün tibb işçiləri və xilasedici qurumlar Qəzzə şəhərinin qərbində yerləşən Şəfa xəstəxanası ərazisində üçüncü kütləvi məzarlığı aşkar ediblər.” İnformasiya Ofinin bildirdiyinə görə, indiyədək bu kütləvi məzarlıqdan 49 şəhidin cənazəsi çıxarılıb. Xilasetmə təşkilatları və tibb işçiləri hələ də yeni cəsədlərin axtarışını davam etdirirlər. Yeni cəsədlərin tapılması və şəhidlərin sayının artacağı ehtimalı var. Qəzzə zolağındakı Hökumət İnformasiya Ofisi indiyədək zolağın müxtəlif bölgələrində xəstəxanaların içərisində yeddi kütləvi məzar aşkarlandığını xəbər verib. Ötən ay sionist rejim ordusunun cinayətləri sona çatdıqdan sonra tibb qrupları Qəzzənin Şəfa xəstəxanası ərazisində 381 cəsəd aşkarlamışdı.