35-ci Tehran Beynəlxalq Kitab Sərgisində iştirak etmək üçün İrana səfər etmiş İslam dünyasının bir qrup tanınmış yazıçı və ədəbiyyat və mədəniyyət xadimləri prezident administrasiyasında Ayətullah Seyid İbrahim Rəisi ilə görüşüb və söhbət ediblər.
Prezident bu görüşdəki çıxışında İslam dünyasının mədəniyyət və ədəbiyyat xadimlərini salamlayaraq onlarla görüşdən məmnunluğunu ifadə edib və bildirib. O, düşmənin bu gün Qəzzə məsələsində xalqların ictimai rəyini media imperiyası ilə istiqamətləndirməyə və yalan xəbərlər, qeyri-real hekayələr və faktların təhrifi ilə yönləndirməyə çalışdığını bildirərək, bu sui-qəsdlə mübarizədə qələm və mədəniyyət əhlinin mövqeyi və məsuliyyətinin vacibliyini vurğuladı və dedi: Fələstin xalqının duruşu, müqaviməti və Allaha inamı və müqavimət cəbhəsinin səyləri bu idrak müharibəsində və mədəni savaşda İslam dünyasının şair, yazıçı və mədəniyyət xadimlərinin ikiqat himmət və səyini tələb edən düzgün və bədii bir izahat tələb edir.
Ayətullah Rəisi sözünə davam edərək bildirib ki, bu gün Fələstin məsələsi bütün müsəlman və azad dünya xalqlarının birinci və ortaq məsələsinə çevrilib və bu unikal vəhdət və birliyi Fələstin xalqının yekun qələbəsinin əsası adlandırıb.
Bu görüşdə Ərəb Yazıçılar Birliyinin rəhbəri Məhəmməd əl-Hurani, Suriya Yazıçılar Birliyinin keçmiş sədr müavini Bədi əs-Səqur, Əlcəzair Yazıçılar və Ədiblər Birliyinin rəhbəri Yusif Şəqərə, İraqın baş nazirinin müşaviri və Ümumdünya Fələstin Mükafatı İcraiyyə Şurasının üzvü Mazin Əz-Zeydi, Livanın keçmiş naziri, şair və yazıçı, Ümumdünya Fələstin Mükafatı İcraiyyə Şurasının sədr müavini Tarad Həmadə, Yəmən Yazıçılar Birliyinin rəhbəri Məhəmməd Yəhya Əbdürrəhman, yazıçı və Yəmən kitabxanalarının vitse-prezidenti Məaz Əl-Cüneyd, və yazıçı və Fəth hərəkatının qurucusu və Fələstinin qədim və adlı-sanlı döyüşçülərdən biri olan Munir Şəfiq iştirak edirdi.
Sizin rəyiniz