Ermənistanın baş naziri inqilab liderinin kədərinə şərik olduğunu ifadə edib

Ayətullah Xamenei bu görüşdə Ermənistanın baş nazirinin ifadə etdiyi həmdərdliyi yüksək qiymətləndirməklə yanaşı, İran və Ermənistanın tarixi-coğrafi ortaqlıqları və ortaq maraqlarına işarə edərək dedi: İran İslam Respublikasının Ermənistanla əlaqələri daha çox genişləndirmək siyasəti cənab Müxbirin rəhbərliyi altında davam edəcək.
İslam İnqilabının Rəhbəri Ermənistanın baş nazirinin iki ölkə arasında əlaqələrin strateji xarakter daşıdığını vurğulamasına toxunaraq əlavə edib: Əməkdaşlığın genişləndirilməsini vurğulamaq münasibətlərin strateji xarakterinə əsaslanır, lakin önəmli olan odur ki, İranla Ermənistan arasında münasibətlərin müxalifləri var və bu əsasda iki ölkə ilə bağlı məsələlər diqqət və qayğı ilə aparılmalıdır.
Həzrət Ayətullah Xamenei qeyd etdi: Bizim mərhum prezidentimiz Ermənistanla bağlı sərhəd məsələlərinə və bu iş ətrafında baş verən hadisələrə çox həssas yanaşırdı və bu həssaslıqlar və qayğılar hələ də nəzərə alınmalıdır və biz öz maraqlarımızı təmin edə bilməliyik.
Ermənistanın baş naziri cənab Nikol Paşinyan da bu görüşdə deyib: Biz İran prezidentinin və xarici işlər nazirinin və onun yoldaşlarının hava qəzasında həlak olması xəbərini eşidəndə şoka düşdük və sarsıldıq, lakin sizin dediyiniz kimi, biz əminik ki, sizin yol göstərənliyiniz və rəhbərliyiniz altında İranın işlərində heç bir qarışıqlıq olmayacaq.