İranın nüvə proqramı ilə bağlı Avropa üçlüyünün qətnaməsi Direktorlar Şurasında təsdiqlənib

20 lehinə, 2 əleyhinə və 12 bitərəf olmaqla təsdiq edilən bu qətnamədə, İranın Beynəlxalq Atom Enerjisi Agentliyi ilə əməkdaşlığına toxunulmadan, Tehran iddia edilən müdafiə məsələlərini həll etmək üçün "lazımi və təcili tədbirlər" görməyə çağırılıb.

Qətnamədə həmçinin İrandan İran və MAQATE arasında qalan bütün məsələlərin həlli ilə bağlı 4 mart bəyanatını “ləngimədən” yerinə yetirməsi, Hərtərəfli Nəzarət Sazişinin 9-cu maddəsində nəzərdə tutulan suveren hüquqlar əsasında İranın ləğv etdiyi MAQATE müfəttişlərinin lisenziyasını bərpa etmək istənilir.

Sözügedən qətnamə sionist rejimin saxta sənədlərinə əsaslanan siyasi iddiaları təkrarlayaraq, Tehrandan “İranda iki elan edilməmiş yerdə texnogen uran hissəcikləri” ilə bağlı mötəbər izahatlar verməsini və nüvə materialının və ya çirklənmiş avadanlığın cari yeri(lər)i barədə Agentliyə məlumat verməsini istəyir.

Halbuki, Beynəlxalq Atom Enerjisi Agentliyinin müfəttişləri dəfələrlə İranın nüvə obyektlərini təftiş ediblər və heç vaxt ölkənin dinc nüvə enerjisi proqramının hərbi məqsədlərə yönəldildiyini göstərən dəlil tapmayıblar. İran həmçinin Hərtərəfli Nəzarət Sazişi çərçivəsində Agentlik ilə əməkdaşlığı davam etdirib və qalan məsələlərin peşəkar yanaşma ilə və agentliyin qərəzi olmadan həll oluna biləcəyini vurğulayır.