D-8 Xarici İşlər Nazirləri Şurasının fövqəladə iclasında İranın Qəzzə ilə bağlı 9 təklifi

Əli Baqirinin D-8 Xarici İşlər Nazirləri Şurasının fövqəladə iclasında təqdim etdiyi İranın Qəzzə ilə bağlı 9 təklifi belədir:

1. Fələstinlə bağlı “D-8 Təşkilatının dəstək proqramı”nın yaradılması. Bu proqrama təşkilat üzvlərinin Fələstinin inkişafı və yenidən qurulması ehtiyaclarına kollektiv töhfələri daxil ola bilər;

2. D-8-in Qəzzənin yenidən qurulması üçün beynəlxalq konfransın yaradılmasına və İslam ölkələrindən maliyyə yardımı toplamaq üçün İslam fondunun yaradılması ilə bağlı dəstəyi;

3. Qəzzəyə qarşı müharibəni dayandırmaq və bu bölgəyə beynəlxalq humanitar yardım göndərilməsinin beynəlxalq səviyyədə izlənilməsi məqsədilə İƏT əlaqə qrupunu müşayiət etmək üçün D-8 əlaqə qrupunun yaradılması;

4. Sionist rejimlə istənilən siyasi, iqtisadi və ticari əlaqələrin dayandırılması və kəsilməsi;

5. İşğalçı sionist rejim ordusunun və onun təhlükəsizlik qurumlarının soyqırım cinayətləri, hərbi cinayətlər və insan haqları və beynəlxalq humanitar hüququn kobud şəkildə pozulması səbəbindən “terror təşkilatları” kimi tanınması;

6. D-8 təşkilatının İsrail rejiminin aparteid qurumu kimi tanınmasına dəstək verməsi və BMT Baş Assambleyasının 3379 saylı qətnaməsini bərpa etmək üçün üzv dövlətlərin birgə səy göstərməsi;

7. D-8 təşkilatının konsensus və Fələstin milli birliyi və müharibə bitdikdən sonra Fələstin ərazilərinin idarə edilməsinə dair razılaşma və seçkilərin keçirilməsi məqsədilə bütün Fələstin qruplarının iştirakı ilə hərtərəfli Fələstin dialoqlarının aparılmasına dəstəyi;

8. D-8 təşkilatının təcavüzkar sionist rejimin beynəlxalq qurumlar və tədbirlərdə üzvlüyünün və iştirakının dayandırılması tələbi, o cümlədən bu rejimin Paris Olimpiadasından qovulması və...;

9. Beynəlxalq Ədalət Məhkəməsində və Beynəlxalq Cinayət Məhkəməsində və s. davam edən beynəlxalq hüquqi kampaniyalarda Fələstinə hüquqi dəstək göstərmək məqsədilə D-8-ə üzv ölkələr tərəfindən birgə hüquq komitəsinin yaradılması.