Müxbir: Heç bir ölkə İranın bölgədəki mövqelərini nəzərə almaya bilməz

Məhəmməd Müxbir cümə axşamı Ənzəli Azad zonasında Rəşt-Xəzər dəmir yolunun mühüm və strateji layihəsinin istismara verilməsi mərasimində bəzilərinin keçmişdə müzakirələrdə, diplomatiyada və dünya ilə əlaqələr qurmaqda yaxşı olduqlarına dair bir çox iddialar etdiyini bəyan edərək deyib: “Amma sonda onların işinin nəticəsi bu oldu ki, hətta qonşu ölkələrlə də heç əlaqələrimiz olmadı.”

O, şəhid Prezidentin xatirəsini ehtiramla yad edərək deyib: “Amma Ayətullah Rəisi regionun bütün ölkələrilə inkişaf yanaşması ilə və çox müasir şəkildə bu əlaqələri qura və məsələləri həll edə bildi.”

Müxbir əlavə edib: “Bəzi ölkələr Şanxay və BRİKS kimi təşkilatlara üzv olmaq arzusunda olsalar da, bu təşkilatlara üzv ola və Avrasiyada mövcud ola bilmədilər. Halbuki bu gün biz onların hamısı ilə əlaqələr qurmuşuq. Bu gün mesaj göndərdiyimiz hər bir ölkə ilə 24 saat ərzində problemləri izləmək və həll etmək üçün əlaqə qurulur.”

Prezidentin səlahiyyətlərinin icraçısı vurğulayıb: “Bu gün dünyada İran İslam Respublikası beynəlxalq balansları tamamilə dəyişmiş bir mövqe və məqamdadır.”

Müxbir qeyd edib ki, balansların beynəlxalq təsnifatı dəyişib, belə ki, dünyanın gücü olaraq bir adamın ölkələrin taleyini təyin etməsi mənasında təkqütblülük artıq mövcud deyil.

O, daha sonra deyib: “İslam İnqilabının Ali Rəhbərinin bəyan etdiyi kimi Ayətullah Rəisi düzgün yol seçdi. Allahın köməyi ilə bu yanmış çıraq izlənilməlidir və izlənəcəkdir.”