Xarici işlər naziri vəzifəsini icra edən Əli Baqiri bu gün (bazar ertəsi) səhər Kimyəvi Silahlarla Mübarizə Milli Günü və Sərdəşt şəhərinə kimyəvi hücumun ildönümü ilə bağlı keçirilən mərasimdə bildirib: İrana qarşı kimyəvi silah istehsal etmək və istifadə etmək üçün Səddamı dəstəkləyən ölkələr, bu gün sionist rejimin Qəzzada törətdiyi hərbi cinayətləri və insanlığa qarşı cinayətlərini dəstəkləyirlər.
O, dedi: Səddamın bombardmançı təyyarələri illər öncə Sərdəşt şəhərinə kimyəvi hücum həyata keçirərək yüzlərlə uşaq və qadını öldürüb, minlərlə insanı yaralayıblar. Bu cinayət Səddam rejiminin bu baxımdan ən sarsıdıcı cinayəti idi. Məcburi müharibənin sonuna qədər Səddam rejimi İranın qərb qurşağının 5 vilayətində 500 dəfə kimyəvi silahdan istifadə edib.
Baqiri əlavə edib: BMT sənədlərinə və Qərb kəşfiyyat orqanlarının hesabatlarına əsasən, Qərb ölkələri Səddam rejiminin təchiz edilməsində və silahlandırılmasında əsas rol oynayıblar.
Sizin rəyiniz